السلام عليكم ورحمة الله وبركاته
حياكم الله
ايام كثيره مضت من حياتنا لكن بدون فايده
نحس الوقت يمشي بسرعه بدون مانحس فيه
الروتين اليومي نفس الشي
امس نفس اليوم وبكره نفس امس وعلى هالحاله بس لو ملأنا حياتنا بشي يفيدنا شي يخلي حسناتنا تزيد
شي يخلي نفسيتنا تزين ويخلينا دايم فرحانين
صدقوني بنصير اسعد ناس في العالم
ساعد المحتاجين
اكفل يتيم
لو ماتقدر ماليا
تشارك انت _انتي ومعارفك
او اصدقائك
وبكذا يكون الأجر اعم وأكثر
وراح تكسب اجر اكثر منهم تدري ليه؟؟
لأنك حثيتهم على هالشي
حافظ على صلاتك حاول تخشع قدر الامكان
وابعد عنك الهواجيس وانت تصلي
واستشعر انك امام الله
داوم على الذكر دائما وعشان ماتنسى
علق على باب غرفتك مجموعه اذكار
في المر في الصاله
في اي مكان في البيت
عشان ماتنسى
والي حولك بعد ماينسون
واظب على أذكار الصباح والمساء
فيها راحه نفسيه عجيبه
تبسم في وجيه الناس فعلى كل ابتسامه تكسب صدقه
وتفرح قلوبهم وتخليهم يحبونك اكثر واكثر
ابعد عنك الحسد والحقد والغيره
وخل قلبك ابيض نظيف
ترى الدنيا والله ماتسوى اننا نتزاعل ونغتاب بعض فيها
احرص على انك تقرا القرآن يوميا
حتى ولو نص وجه خل قرآنك
جنب السرير قبل ماتنام
اقرا لك شوي
حاسب نفسك
انا اليوم اغتبت؟ جرحت احد ؟ سبيت احد؟
انا اليوم ماجلست مع امي كثير؟ انا اليوم ماستغليت يومي بشي يفيدني؟
حاسب نفسك قبل لاتنام
وانتظر بكره يجي عشان تصح اخطائك
ويكون يومك احلى من الامس اكثر من الدعاء لأن الدعاء مخ العباده
لاتقطع الصله بينك وبين ربك
تضرع له ألجأ له
توكل عليه
هو الي يفرج همك ويستجيب دعاك
ويحق امانيك
ولاتستعجل في الاجابه
لأن ربي يحب عبده الحوح في الدعاء
ولاتنسى تدعي لأخوانك المسلمين من متى ماشفت قرايبك
من العيد
ترى باقي كم شهر وتكمل السنه ..!!
زر قرايبك
اطمئن عليهم
اضحك وسولف معهم .
نفعنا الله واياكم
ووفقنا لما يحب ويرضى
